அன்பார்ந்த எசுபிஎம் (SPM) , எசுதிபிஎம்(STPM) மாணவர்களே,

பாகம் 1

பாகம் 2

Wednesday, March 17, 2010

ஏழை இந்திய மலேசியர்கள் எதிர்நோக்கிவரும் பல்வேறு பிரச்சனைகளில் முதன்மையாகத் திகழ்வது பிறப்புப் பத்திரம் மற்றும் அடையாள அட்டை இல்லாமை எனும் பிரச்சனைதான். சொந்த நாட்டிலேயே சுமார் ஒரு லட்சம் இந்திய மலேசியர்கள் கள்ளக்குடியேறிகளைப் போல் வாழ்ந்து வருகிறார்கள் என புள்ளி விவரங்கள் அறிவிக்கின்றன. நாளுக்கு நாள் இப்பிரச்சனை தொடர்ச் சங்கிலியைப்போல் நீண்டுகொண்டே செல்கிறது.

அண்மையில் இண்ட்ராஃப் தலைமையிலான பிரித்தானிய மக்களவை கருத்தரங்கு நிகழ்வில், ஒரு தமிழர் குடும்பத்தின் அவல நிலையினை திரு.நரகன் பங்கேற்பாளர்களிடம் விளக்கிக்காட்டி, ஏழை இந்திய மலேசியர்கள் எவ்வாறு ஓரங்கட்டுதலுக்கு உள்ளாகிறார்கள் என்பதனை நன்கு படம்பிடித்துக் காட்டியிருந்தார்.

பினாங்கில் கம்போங் பாகான் செராய், பெர்மாத்தாங் பாவோ எனுமிடத்தில் மிக வரிய நிலையில் வாழ்க்கையை ஓட்டிவரும் அக்குடும்பத்தினரின் நேர்க்காணலின் ஒரு பகுதி இதோ :-

பாரிட் புந்தார், மார்சு 16, உயிருக்குப் போராடிக்கொண்டிருக்கும் தமிழ்த்தாயை மீட்பதும் காப்பதும்தான் நமது முதல் வேலை.எழுத்துச் சீர்மை என்ற பெயரில் சிதைப்பதல்ல நமது வேலை என்று மலேசியா வந்துள்ள தமிழகத் தமிழறிஞர் செந்தமிழ் அந்தணர் புலவர் மதுரை இரா.இளங்குமரனார் கூறினார்.

தமிழ் எழுத்துகளைச் சீர்த்திருத்தம் செய்ய வேண்டிய தேவை இல்லை. அப்படி தமிழ் எழுத்துகளைச் சீர்த்திருத்தம் செய்தால் தமிழ்மொழி சிதைந்து சின்னாபின்னப்பட்டுப் போகும் என்று புலவர் பெருமகனார் நினைவுறுத்தினார்.

உயிருக்குப் போராடிக்கொண்டிருக்கும் எனதுத் தாயை மருத்துவமனைக்குக் கொண்டு செல்கிறேன்.அவளை சோதனை செய்த அந்த மருத்துவர் எனது தாயின் உயிரை மீட்பதில் கவனம் செலுத்தாமல்.என் தாயின் கை வலைந்திருக்கிறது அதை சரி செய்ய வேண்டும் என்கிறார்.

என்தாயின் உயிரை முதலில் மீட்டுத்தாருங்கள்.அவள் கையை சரி செய்வதா காலை சரி செய்வதா என்பது பற்றி பின்னர் நான் பார்த்துக்கொள்கிறேன் என்று அந்த மருத்துவருக்கு நான் பதிலளிக்கிறேன்.நான் மட்டுமல்ல தாயின் மீது பற்று கொண்ட எந்த மகனும் அதைத்தான் செய்வான்.

அப்படித்தான் இன்று தமிழ்த்தாய் உயிர் மீட்புக்கும் வாழ்வுக்கும் செய்ய வேண்டிய பற்பல பணிகள் அப்படியே செயல் முடங்கிக் கிடக்கும் போது சிலர் தங்களின் தன்னலத்திற்காக எழுத்துச் சீர்மை என்ற பெயரில் தமிழ் எழுத்துக்களை சிதைக்க முற்படுகிறார்கள் என்று புலவர் இளங்குமரனார் எடுத்துரைத்தார்.

இங்கு பேரா மாநில தமிழியல் ஆய்வுக் களம், பாரிட் புந்தார் தமிழ் வாழ்வியல் இயக்க, இணை ஏற்பாட்டில் பாரிட் புந்தார் தமிழியல் நடுவத்தில் நடைபெற்ற “தமிழரின் எழுச்சியும் வீழ்ச்சியும் ” என்ற தலைப்பிலான பொழிவு நிகழ்ச்சியில் செந்தமிழ் அந்தணர் மேற்கண்ட செய்தியை வலியுறுத்தினார்.

தற்போது தமிழ்நாட்டில் சிலர் தமிழ் எழுத்துகளைச் சீர்த்திருத்தம் செய்ய முனைந் திருக்கிறார்கள். அதன்படி இ, ஈ, உ, ஊ ஆகிய நான்கு எழுத்து வரிசைகளில் உள்ள 72 உயிர்மெய் எழுத்துகளை மாற்றி அமைக்க வேலை செய்கிறார்கள்.

இது தமிழுக்கு எழுச்சியூட்டும் செயலல்ல. மாறாக வீழ்ச்சிக்கு வழிவகுக்கும் செயலாகும்இந்தச் சீர்த்திருத்தால் தமிழ்மொழி பெரிய மாற்றத்திற்கு உள்ளாகும். நாளடைவில் தமிழ் சிதைந்துபோய் காலத்தால் அழிந்துபோகும் என்று புலவர் இரா.இளங்குமரனார் குறிப்பிட்டார்.

தமிழில் சீர்மை உண்டாகும், தமிழை எளிமையாகவும் விரைவாகவும் கற்கலாம் என்று எழுத்துச் சீர்த்திருத்தம் செய்பவர்கள் கூறுகிறார்கள். ஆனால், அதில் சிறிதுகூட உண்மையில்லை. இப்போது இருக்கும் தமிழ் எழுத்து வடிவமே படிப்பதற்கும் எழுதுவதற்கும் எளிதானது.

கருவிலிருககும் குழந்தைக்கே ஆங்கில வழி பள்ளியில் இடம் கிடைக்க முன்பதிவு செய்யும் அளவிற்கு தமிழ்ப் பெற்றோர்களின் மனநிலையை இன்று உருவாகி இருக்கிறது.தமிழ் வழி கல்வி என்பதும்,தமிழ் கற்றால்தான் வேலை என்பதும் பற்றி தமிழ்ப்பெற்றோர்கள் நினைத்துக்கூடப் பார்ப்பதில்லை.

அத்தகைய சூழ்நிலையில் தமிழ்த்தாய் குற்றுயிரும் குலை உயிருமாக உயிருக்குப் போராடிக்கொண்டிருக்கும் போது சிலர் சீர்மை என்ற பெயரில் இவ்வாண்டு நடைபெறவுள்ள தமிழ் மாநாடு ஒன்றில் பரிந்துரைக்கப் போகும் இது போன்ற திட்டங்கள் தமிழை அழிக்கவும் சிதைக்கவும் மட்டுமே பயன்படும் என்று புலவர் பெருமகனார் எச்சரித்தார்.

அதுமட்டுமல்லாது, இப்போது நடப்பில் இருக்கும் எழுத்துகள் மிகவும் சிறந்த கட்டமைப்பைக் கொண்டது. வடமிருந்து இடப்பக்கமாக எழுதும் அமைப்பைக் கொண்டிருக்கிறது. ஆனால், சீர்த்திருத்தம் செய்யப்படும் உகர எழுத்து குறியீடுகளை தமிழ் எழுத்து மரபுக்கு மாறாக இடமிருந்து வலமாக எழுத வேண்டிய நிலைமை ஏற்படும். இப்படிப்பட்ட மாற்றங்கள் கண்டிப்பாகத் தமிழைச் சிதைந்த மொழியாக ஆக்கிவிடும்.

வாழையடி வாழையென வந்த திருக்கூட்ட மரபினர் கட்டிக்காத்த – தமிழருக்குச் சொந்தமான மரபுகள் பல உண்டு. எழுத்து மரபு அதில் ஒன்று. மரபு கெட்டுப்போனால் தமிழ் மொழியும் தமிழ் இனமும் அடையாளம் இழந்துபோகும். மரபு திரிபின் பிறிது பிறிதாகும் என்று தொல்காப்பியம் கூறுவதை நினைவில் நிறுத்து நம்முடைய மரபுகளை அழியவிடாமல் பாதுகாப்பது நம்முடைய கடமையாகும் என்றவர் வலியுறுத்தினார்.

மேலும் பேசிய அவர் தமிழ் எழுத்துகள் குறித்த வரலாற்றுப் பின்னணிகளையும் தமிழ் எழுத்துகளை எழுதும் முறைகளில் இருக்கும் மனவியல் அணுகுமுறைகளையும் எழுத்துகளை எழுதிக்காட்டி விளக்கம் அளித்தார். தமிழில் எ, ஏ, ஒ, ஓ ஆகிய நான்கு எழுத்துகள் வீரமாமுனிவரால் சீர்த்திருத்தம் செய்யப்பெற்றது. அது மிகவும் சிறிய மாற்றம்தான்.

பிறகு, பகுத்தறிவு பகலவன் பெரியார் சில எழுத்துச் சீர்த்திருத்தங்களைக் கொண்டுவந்தார்.அவையும் ஏற்கனவே கல்வெட்டில் இருந்தவைதான்.பின்னர் ஓலைச்சுவடி வந்த போது பெரியார் பரிந்துரைக்கு முந்திய எழுத்துக்கள் இருந்தன.

அச்சுப்பணிகளையும் தட்டச்சுக்களையும் காரணம் காட்டி பெரியார் மீண்டும் பழைய எழுத்துககளையே முன் மொழிந்தார். அதனைத் தமிழறிஞர்கள் எதிர்த்தனர். இருந்தாலும், பிறகு பதின்மூன்று எழுத்துகளை மட்டும் சீர்த்திருத்தம் செய்தார்கள். இது தமிழ் எழுத்து வடிவங்களை மாற்றி அமைத்தாலும் பெரிய பாதகம் ஏற்பட்டு விடவில்லை.

ஆனால், இப்போது சிலர் மேற்கொண்டுள்ள எழுத்துச் சீர்த்திருத்தம் மிகவும் பாதகமானது. தமிழ் எழுத்துகளின் தனித்தன்மை முற்றிலுமாகச் சீரழிந்து போகும். தமிழின் அடையாளம் அற்றுப்போகும். ஆகவே இந்தப் புதிய எழுத்துச் சீர்த்திருத்தை உடனடியாகக் கைவிட வேண்டும் என அவர் கேட்டுக்கொண்டார்.

தமிழ்நாட்டில் இந்தச் சீர்த்திருத்ததைச் செய்ய முயலும் முனைவருக்கு தாம் கைப்பட கடிதம் எழுதியிருப்பதாகக் குறிப்பிட்ட அவர், இந்த எழுத்துச் சீர்த்திருத்தம் குறித்து தனி நூல் ஒன்றை எழுதி முடித்திருப்பதாகவும் தெரிவித்தார்.

திருக்குறள் வழியில் வாழ்க்கையை அமைத்துக்கொண்ட என்பத்தொரு அகவையை அடைந்துள்ள புலவர் ஐயா இளங்குமரனார் வள்ளுவத்தை வாழ்விக்க வந்த தமிழ்ச்சான்றோராக விளங்குபவர். திருச்சிராப்பள்ளிக்கு மேற்கில் காவிரிக்கரையின் தென்புறம் அமைந்துள்ள உள்ள அல்லூர் என்னும் ஊரில் திருவள்ளுவர் தவச்சாலை அமைத்துப், பாவாணர் நூலகம் கண்டு, தவப் பள்ளியில் உறைந்திருப்பவர்.நூற்றுக்கணக்கான நூல்களை தமிழ்கூறும் நல்லுலகிற்குத் தந்திருப்பவர்.

தமிழகம் முழுவதும் சுற்றிச் சுழன்று திருக்குறள் உரைப்பொழிவுகள் வழங்கியும் திருமணங்களைத் தமிழ் வழியில் நடத்தியும் நல்லற மணமக்களை இல்லறப்படுத்தியும் தமிழ் மக்களைத் தமிழ்வழியில் வாழவைத்தும் தாமும் வாழ்வாங்கு வாழ்ந்துவரும் ஒப்பற்ற சான்றாளர் செந்தமிழ் அந்தணர் புலவர் ஐயா மதுரை இரா.இளங்குமரனார்.

இதே நிகழ்ச்சியில் புலவர் இரா.இளங்குமரானார் முன்னிலையில் நிகழ்ச்சி ஏற்பாட்டு அமைப்புக்களான பேரா தமிழியல் ஆய்வுக் களம்,பாரிட் புந்தார் தமிழ் வாழ்வியல் இயக்க பொறுப்பாளர்கள் ஏற்கனவே செய்திருந்த ஆய்வு முடிவுகளின் அடிப்படையில் புதிதாக பரிந்துரைக்கப்படவுள்ள தமிழ் எழுத்துச் சீர்திருத்தற்கு கண்டனம் தெரிவித்தனர்.

வந்திருந்த பொது அமைப்புகளின் பொறுப்பாளர்களும் தமிழ்ப் பெருமக்களும் முன்னிலையில் அவை அறிவிக்கப்பட்டு,அனைவரும் ஒன்றிணைந்து இந்த எழுத்துச் சீர்த்திருத்தத்திற்கு எதிராகக் கண்டனம் தெரிவிக்குமாறு கேட்டுக்கொள்ளப்பட்டனர். அதற்கு அடையாளமாக எழுத்துச் சீர்த்திருத்தத்தால் தமிழுக்கு ஏற்படப்போகும் விளைவுகள் தொடர்பாக சுப.சற்குணன் தொகுத்திருந்த இணையத்தில் வெளிவந்துள்ள ஆய்வுக் கட்டுரைகளின் தொகுப்பு ஒன்று புலவர் இரா.இளங்குமரனாரிடம் தமிழியல் ஆய்வுக் களத்தின் தலைவர் இர.திருச்செல்வமும் வாழ்வியல் இயக்கத் தலைவர் க.முருகையனும் ஒப்படைத்தனர்.

• நன்றி: மக்கள் ஓசை நாளிதழ் (16-3-2010)

Posted on 16 March 2010

பிரித்தானிய மக்களவையில் மலேசிய இந்தியர்கள் மற்றும் கிழக்கு மலேசிய பழங்குடியினர் மீதான மனித உரிமை மீறல்கள் குறித்தான இண்ட்ராஃபின் விளக்கக்கூட்டம்.

10/03/10 திகதியன்று லண்டனில் பிரித்தானிய மக்களவை உறுப்பினர் திரு.வீரேந்திர சர்மாவின் துணையோடு இண்ட்ராஃப் தலைவர் திரு.வேதமூர்த்தி, இண்ட்ராஃப்பின் தேசிய ஆலோசகர் திரு. என்.கணேசன் ஒரு விளக்கக்கூட்டத்திற்கு ஏற்பாடு செய்திருந்தனர்.

மலேசிய இந்தியர்கள் மற்றும் கிழக்கு மலேசிய பூர்வீகக் குடினருக்கு எதிராக தொடர்ச்சியாக இழைக்கப்படும் மனித உரிமை மீறல்கள் குறித்து அக்கூட்டத்தில் திரு.கணேசன் மற்றும் திரு.வேதமூர்த்தியால் விளக்கப்பட்டது. தொடர்ந்து அம்னோ அரசாங்கத்தின்கீழ் நிகழ்ந்துவரும் மனித உரிமை மீறல்களை கண்டித்து அனைத்துலக ரீதியில் அதற்கான தீர்வினை விவாதிக்கும் முயற்சியின் ஒரு கட்டமாக இவ்விளக்ககூட்டம் ஏற்பாடு செய்யப்பட்டிருந்தது.

பாகம் 1

பாகம் 2

பாகம் 3

பாகம் 4

மலேசியா மக்கள் சக்தி கட்சி ஒற்றுமை இழந்து, வலுவிழந்து உள்ளது என்பது யாவரும் அறிந்த உண்மையே. மேல் மட்ட தலைவர்கள் பதவி போராட்டத்தில் இறங்கியுள்ளார்கள் மேலும் சட்ட நடவடிக்கையும் எடுத்துள்ளார்கள் என்பதும் உண்மையே. இந்த பதவி போராட்டத்தினால் கீழ் மட்ட தலைவர்களும் தொண்டர்களும் மற்றும் பொது மக்களும் வெகு அளவில் பாதிக்கப்படுகிறார்கள் என்று மலேசியா மக்கள் சக்தி கட்சி இளஞர் அணி கருத்து தெரிவிக்கின்றனர். மேலும் இந்த நிலைமை நீடித்தால் இக்கட்சி தடம் தெரியாமல் போய்விடும் என்பது திண்ணம் என்று இந்த அணியினர் நம்புகின்றனர் . அகவே மேல் மட்ட தலைவர்கள் குறிப்பாக தனேந்திரன் மற்றும் வேதமூர்த்தி இருவரும் மக்கள் நலம் கருதி சுமூகமான முடிவு எடுக்க வேண்டும் என்று அறைகூவல் விடுக்கின்றனர் இவ்வணி. ஒற்றுமையே பலம் இல்லையேல் நாசம் நிட்சயம் உண்டு இக்கட்சிக்கு என்கின்றார் தேசிய இளஞர் அணி தலைவர் திரு நா ராமு.

பி.கு:- ஒரு குறிப்பிட்ட நாளிதழ் தி.எச்.ஆர் ராகாவுக்கு ஊதுகுழலாகச் செயல்படுவதுபோல தெரிகிறது. இதனைப் பற்றி நன்கு ஆராய்ந்த பிறகு அந்த நாளிதழுக்கு ஆப்பு அடிப்பதைப் பற்றி சிந்திப்போம்

நன்றி திருத்தமிழ்

ஆறு. நாகப்பன்

காவி அணிந்த இளம் துறவி நித்தியானந்தா கடைசியில் தானும் ஒரு போலிதான் என்று நிரூபித்துவிட்டார்!

வாழுங் கலை கற்பித்த இவர் ஓர் உண்மைத் துறவியாக வாழுங் கலையைக் கற்றுக் கொள்ளாமல் உலக இந்துக்களுக்கு மற்றுமோர் அவமானச் சின்னமாக நிலைத்துவிட்டார்.

திரைப்பட நடிகை ஒருத்தியோடு இவர் இருந்த அந்தரங்கக் காட்சிகள் இன்று அகில உலகக் காட்சிகளாகிவிட்டன.

இந்தியாவில் பல பெரிய நகரங்களிலும் மலேசியா, சிங்கப்பூர் உட்பட  உலகின் பல நாடுகளில் நித்தியானத்தாவுக்குக் கிளைகள் உள்ளன.

இவரும் இவரைப் போன்ற சாமியார்கள் பலரும் இலட்சக்கணக்கான பக்தர்களைக் கொண்டுள்ளனர். பக்தர்களால் இவர்களுக்குப் பணமும் புகழும் வருகின்றன. உடனே பத்திரிகைகளின் பார்வையும் இவர்கள் பக்கம் திரும்பு-கிறது. இவரைப் பற்றி எழுதினால் பத்திரிகை விற்பனையைப் பெருக்கிக் கொள்ளலாம் என்ற ஆசையில் இவர்கள் எழுதுவதாகப் பத்திரிகை ஆசிரியர்களே இவர்களின் பெயர்களில் கட்டுரைகள் எழுதுகின்றனர்  தமிழ் -நாட்டில்!

இப்படித்தான் பல சாமியார்களைப் பக்தர்களும் பத்திரிகைகளும் வளர்த்-திருக்கின்றன. மலேசியாவிலும் இப்படித்தான் சாமியார்களைப் பத்திரிகைகள் வளர்க்கின்றன. பத்திரிகைகளைச் சாமியார்கள் வளர்க்கின்றனர்.  மக்களை முட்டாள்களாக்கிச் சப்பாணிகளாக்குவதில்  இவர்களின் கூட்டுக் கொள்ளை இது.

கடந்து போன சில ஆண்டுகள் அவ்வப்போது இப்படிப்பட்ட போலிகளை நமக்கு அடையாளம் காட்டிவிட்டுப் போயிருக்கின்றன. அடுத்து வரும் ஆண்டுகள் இன்னும் என்னென்ன காட்சிகளைக் கொண்டு வருமோ என்ற அச்சமும் இப்போது ஏற்பட்டுள்ளது.

சுவாமிஜி, குருஜி, யோகி, சித்தர், ஞானி என்ற அடைமொழிகளோடு கடந்த இருபது ஆண்டுகளில் பல போலிகள் தோலுரிக்கப்பட்டுள்ளனர்.

இவர்கள் எங்கிருந்து வருகின்றனர்?

இந்துக்களின் அறியாமை என்னும் அழுக்கிலிருந்து தோன்றும் புழுக்களே இவர்கள்.

குருட்டினை நீக்கும் குருவினைக் கொள்ளார்

குருட்டினை நீக்காக் குருவினைக் கொள்வார்

குருடும் குருடும் குருட்டாட்டம் ஆடிக்

குருடும் குருடும் குழி விழுமாறே (திருமந்திரம் 1658)

என்று மூவாயிரம் ஆண்டுகளுக்கு முன்பே திருமூலர் கூறினார்.  இந்துக்கள், குறிப்பாகத் தமிழர் தமிழில் இருக்கும் சமய நூல்களைக் கூடப் படிப்பதில்லை. படித்தவர் சொல்வதைக் கேட்பதில்லை. மன அமைதி, பணம், பதவி இப்படி எதுவானாலும் குறுக்கு வழியில் உடனடியாகக் கிடைக்க வேண்டும்  என்ற ஆசையில் ஆசை விமோசனத்திற்கு அலைந்து கொண்டிருக்கும் போது இப்படிப்பட்ட சாமியார்கள் கச்சிதமாகத் தீட்டப்பட்ட திட்டங்களோடு வெளிப்படுகிறார்கள்.

காவி, உருத்திராக்கம், திருநீறு, நீண்ட முடி அல்லது தாடி இவற்றோடு புற வேடம் தயாராகிறது. தங்களிடம் உள்ள ‘அற்புத சக்திகள்’ பற்றிப் போற்றிப் புகழ்ந்து பேசுவதற்கு சிலரைச் சுற்றி வைத்துக் கொள்கின்றனர். பக்தர்களை உருவாக்குவதில் பல நவீன வியாபார உத்திகள் பயன்படுத்தப்படுகின்றன. இதற்காகவே இந்தத் துறைகளில் கல்வி கற்ற புலிகள் பலர் இவர்களுக்குப் பின்னால் பணியாற்றுகின்றனர்.

இவர்களை விளம்பரம் செய்வதற்குப் பயிற்சி பெற்ற புகைப்படக் கலைஞர்களும் விளம்பர நிறுவனங்களும் இவர்களின் பின்னணியில் இயங்குகின்றனர்.

வாழ்க்கையில் வந்து போகும் மனோவியல் பிரச்சனைகளைச் சொந்தமாகக் கையாளத் தெரியாத சாமானியர்கள்தாம் இவர்களின் வாடிக்கையாளர்கள். எந்தப் பிரச்சனையும் தீராமலேயே தீர்ந்துவிட்டதைப் போன்ற உணர்வை இந்தச் சாமியார்கள் தங்கள் வாடிக்கையாளர்க்கு உருவாக்கிவிடுகின்றனர். ஏதோ ஒரு சாந்தி கிடைத்துவிட்டதைப் போல் உணர்ந்தவர்கள் கட்டுக் கட்டாகப் பணத்தைக் கொண்டு போய்க் கொட்டுகிறார்கள். ஆசிரமம் கட்டப் போவதாகச் சொல்லியே பல கோடிகள் சேர்க்கப்படுகின்றன.

சில சாமியார்கள் உண்மையிலேயே ஆசிரமம், கல்லூரி, மருத்துவ மனை என்று சமூக சேவைகளையும் வழங்குகின்றனர்.  சேவையாகவும் அதே சமயத்தில் சாமியார்களுக்கு விளம்பரமாகவும் இந்த நிறுவனங்கள் அமைந்து விடுகின்றன.

இப்படி எதுவும் இல்லாமல் கட்டுக் கட்டாகப் பணத்தை மட்டும் வசூலித்து மாட மாளிகைகளில் உல்லாசமாக வாழ்கிற சாமியார்களும் உள்ளனர். இது இவர்களின் பக்தர்கள் எந்த அளவுக்கு முட்டாள்களாக இருக்கின்றனர் என்பதைப் பொருத்துள்ளது. இப்படிப்பட்டவர்களுக்கு மலேசியாவில் நல்ல சந்தை வாய்ப்புகள் இருக்கின்றன.

பணமும் புகழும் பாதுகாப்பும் வந்துவிட்டால் சாமியார்களுக்குத் துணிவும் வந்துவிடுகிறது. அதனால் இவர்கள் செய்யும் திருவிளையாடல்களையே இந்த நித்தியானந்தாவும் செய்திருக்கிறார்.

இவர்களிடமிருந்து தப்புவதற்கு இந்துக்கள் என்ன செய்ய வேண்டும்?

சுவாஜி, குருஜி, யோகி, சித்தர் என்று இன்று எவரும் இல்லை. எனவே அவரவர் சமய நூல்களை ஆழ்ந்து பயின்று இறைவனை நோக்கி  நேரடியாகப் பக்தி செய்ய வேண்டும். கோயில் வழிபாட்டிலும்  நிபந்தனை-யற்ற சமூகப் பணிகளிலும் ஈடுபட வேண்டும்.  இதனால் உண்மையான மன அமைதி ஏற்படும். எவரிடத்தும் ஏமாற வேண்டியிருக்காது. காசு பணத்திற்கும் அழிவில்லை